Íslenskur sköpunarkraftur og þjóðhagsspá
Hún Þóra Huld frænka mín minnir mig á að það megi vera jákvæður líka. Ég veit nú ekki hvort þessi færsla er í mínus eða plús, fer eftir því með hvernig hugarfari hún er lesin, kannski. En, sem sé, ég heyrði óvart í fréttum í dag að vöruskiptajöfnuðurinn við útlönd (heitir það annars ekki það enn þá?) hefði verið mun skárri en spáð hafði verið í þjóðhagsspá. Hvað höfðu menn svo misreiknað? Jú, þjónustu við útlönd, sem líklega byggist að mestu á íslensku hugviti og sköpun. Menn hafa sem sé gleymt að reikna með aukningu þar, líklega haldið að allir færu að rótast í góðærisbyggingavinnu fyrir sunnan og stíflugerð fyrir austan, eða kannski óskað þess að þeir færu í það. Það er auðvitað áþreifanlegri iðja en að sitja við tölvu og dútla sér ...Þetta minnir mig á Draumalandið, þar sem Andri Snær bendir á hvað mætti gera rosalega miklar tilraunir með alla mögulega og ómögulega hluti sem frjóu ungu fólki detta í hug - og mistakast flestar - til að skapa störf sem væru jafn mörg eða fleiri en í fabrikkunni fyrir austan - og tæki margar aldir að ná þeim upphæðum sem hún kostar.
sagði Helga kl. 19:43
2 Comments:
Já, það er annars konar kraftur sem þarf að fara að virkja betur á Íslandi. Hann kallast líklega mannauður, illmælanlegur en mikill auður. Hef enn ekki lesið Draumalandið og því svolítið út úr í umræðum um hana. En ég styð það að kominn sé tími á að virkja betur fólk, frekar en virkjanir. Og vonandi fara þær "virkjunarhugmyndir" að fá betri hljómgrunn hjá ráðamönnum.
Komst ekki til þín í gær í Bráðarvaktarvöku. Var nefnilega boðin mat í Grafarvoginn.
Tek frá næsta miðvikudagskvöld.
Þóra
Skrifa ummæli
<< Home